見證「大國強大」嘅中國奧運精英運動員，今早兵分兩路，分別到伊利沙伯體育館示範乒乓球同羽毛球，以及到維多利亞公園游泳池示範跳水，下午喺伊館仲有個「奧運金牌精英約定你」綜藝節目，嘩。

特區政府不遺餘力，康文署一早已於活動場地規則列明，進場人士必須，係必須接受保安檢查，唔可以攜帶政治標語同擴音器進場；喺場內示威者，會被求離場。而今早一眾運動員由酒店出發時，警方一早安排半百警力維持秩序，又為運動員開路，非常貼心周到。

今早9時，半百警察包括交通警同便衣已在維持秩序同封路，出尖東一帶一度封閉俾運動員架車先行，酒店門外亦架起鐵馬，約五十fans到場。林丹同傅園慧、孫楊等都冇特別行去fans度握手，見佢哋個樣都好似仍帶著睡意，就連平時表情多多嘅火雞姐傅園慧都木無表情，揮手道別都冇，似乎真係好攰。