日本BL神劇《大叔的愛》今年於當地掀起熱潮，由於大受歡迎，故一直盛傳會炮製續集或電影版，粉絲們今日終收到好消息，電影版已落實開拍，將起用原班人馬演出，安排明年夏天上映。

《大叔的愛》在日本嘅影響力不容小覷，當地播出第6集及大結局時，就成為Twitter全球最熱門排名冠軍，更成功打入日本流行語大獎2018，熱潮已持續大半年。

今次電影版情節會發生在連續劇之後，田中圭飾演嘅春田與林遣都扮演嘅阿牧有情人終成眷屬，展開同居生活，主角田中圭對於電影版情報終可解禁，佢表示：「遇到每個都問我，總會回答冇續集，對不起各位，其實係有。」田中圭仲話劇集版結尾交代春田到上海，佢希望電影版可以到海外取景。

與此同時，好戲大叔吉田鋼太郎以同志角色黑澤開設嘅Instagram帳戶，相隔多月再度更新，見佢上載一張上海夜景照片，並留言「已經唔再戀愛...我唔會咁講」，似乎暗示新片確於上海取景。

精選娛聞，喺晒《娛果》
http://fb.com/appledailyent