當年今日
關於我們

關仁隱事:大鼻仔豪氣起三飛 - 關仁

蘋果日報 2007/07/08 00:00


「大鼻仔」遺傳到佢「大鼻老竇」嘅特質,就係鍾意扮大佬同風流啦。呢期大鼻仔晚晚夜蒲,媾女媾到全中環夜場皆知,早幾晚佢又去最愛嘅老蘭夜場,今次就玩一拖三。
當晚凌晨兩點幾,大鼻仔一條冷殺落酒吧,冇耐已經成功冧掂三條女,但佢其貌不揚,點解媾女會咁掂呢?原因係大鼻仔夠豪,次次都出同一招撒手鐧,企喺吧枱度請女仔飲酒,嗰晚佢同三條女酒過幾巡之後,大家都highhigh哋,於是一齊出舞池跳舞。據現場目擊者形容,大鼻仔好似中降咁跳到黐晒線,全程原地彈彈吓,搖手搖腳又搖頭,啲女仔睇到𠵱嘩鬼叫,佢跳完舞之後,仲攬住個女仔行去廁所方向,𠝹女速度快夾準。之不過大鼻仔鍾意請客嘅特性,就完全唔似佢個「大鼻老竇」啦。
Textby關仁