張兆輝啱啱過咗55歲生日，最近為香港基督教服務處主辦嘅「5678零。距運動日」擔任星級大使，講到做運動，輝哥話其實任何年齡嘅人都有呢個需要，做完運動出一身汗，個人都會精神啲，佢仲話：「好似我媽咪，佢今年都80幾歲，佢每日起身都會做拉筋，活動吓手腳關節，筋骨先唔會僵硬。

輝哥舊年踢波壓傷左腳韌帶，好彩唔係太嚴重，醫生吩咐佢要好好休養，但係輝哥話自己要減產，原來為咗寶貝女。輝哥話舊年因為工作嘅關係，好少時間陪屋企，今年9月囡囡又會出國讀書，作為廿四孝好爸爸，輝哥想陪囡囡去適應新環境：「為開學做好準備，所以今次會停留一段比較長嘅時間。」輝哥仲好感觸話：「當年囝囝去外國讀書，始終係男仔，心態上想佢出去捱吓世界，但囡囡唔好，始終係女仔，所以要照顧多啲。」

精選娛聞，喺晒《娛果》
http://fb.com/appledailyent