【獨家】與何傲兒分手後被老竇催婚 33歲周子揚頻頻約女「相睇」

蘋果日報 2017/06/29 00:02

周子揚周業德
    現年33歲嘅周子揚入行初期，已被稱「西貢地王」太子爺，因為佢爸爸周業德由地產起家，手持過億物業。十多年來，周子揚都係同家人住喺西沙路一幢4,000呎連天台村屋。不過咁嘅家底，似乎都未能滿足到何傲兒家人嘅要求，最終周子揚同何傲兒喺家庭壓力下無奈分手。
    周子揚回復單身近兩年，經常都返大陸參加相睇節目，好似《中國式相親》、《玫瑰之旅》等，雖然美女如雲，但周子揚唔知係咪眼角太高，定係未忘舊情，始終都揀唔啱對象。
    上周日(11號)，記者發現周子揚同爸爸喺西貢海邊食海鮮，冇耐前RubberBand成員鍾家俊（藝琛）嚟到，之後仲有一位年約30歲嘅one length髮型女子都到埋。周子揚全程表現得好客氣，同爸爸輪流夾餸兼斟酒俾女方，期間有人拎住大堆公仔義賣，周爸爸搶先捐錢，周子揚都唔夠老竇手快。而全程都係幾個大男人傾偈，而女方說話唔多，只係不停食食食，講到興奮就四個人一齊舉杯飲紅酒，大約個幾鐘頭後，佢哋埋單走人。
    之後《蘋果》記者聯絡周子揚，佢笑住否認又「相睇」，透露個女仔係導演，曾替佢拍MV。周子揚話﹕「我哋識咗差唔多8年，人哋有男友㗎喇！大家好耐冇見，咁佢哋又識我Daddy，所以陪我同Daddy提早慶祝父親節。」不過周子揚承認爸爸對佢嘅婚事好着急，佢話：「爸爸之前有安排過（相睇），話屋企背景同生得又唔錯嘅女仔，佢都鍾意我搵啲靚同高大啲嘅女仔，咁將來BB都高大啲。」問到有冇心水？佢話：「其實未正式介紹過，係老竇keep晒啲contact先，等我ready先介紹我識，但阿媽就唔係咁鍾意，想我做好啲事業先。」
    empty
    (攝影﹕黃曉程、朱志聰)
    empty
    最初係三個人
    empty
    幫阿爸斟酒
    empty
    周業德成日催阿仔快啲成家立室。
    empty
    等埋女仔嚟先叫嘢食
    empty
    期間有人兜售公仔。
    empty
    empty
    最近就係《玫瑰之旅》，又可以識女仔。(電視截圖)
    empty
    周子揚仲帶埋父母一齊上大陸相睇節目《中國式相親》。(電視截圖)
    empty
    周子揚同何傲兒分手後，一直未有戀情。(資料圖片)
    empty