朱主席無限分身自like 開Party廣邀3千人位位收$500
蘋果日報 2014/01/10 06:00
彭家麗朱壽仁從不喜歡孤單一個朱主席
嗰12個人入面，有兩個都係朱主席個名嚟。(facebook圖片)- 朱主席一向都有氣勢0架啦，唔係點做偶像呀？(facebook圖片)
- 之前朱主席影咗張相，張沙發隔離冇人坐，係唔係代表今晚party都會係咁。(facebook圖片)
- 呢一位小姐話會出席，有四個留言，點解個名同啲相都係朱主席。(facebook圖片)
- 呢一個出席人數，真係1%都冇(facebook圖片)
- 呢一個留言真精采，8個，8個都係朱主席。(facebook圖片)
- 出席人數到有2個用戶，一個叫朱主席一個叫TimChu，唔通佢識分身術？(facebook圖片)
甩Beat走音歌王，娛樂公司主席朱壽仁，喺舊年因為唱咗一首走音走到極致嘅《從不喜歡孤單一個》而爆紅，全香港都有唔少人都欣賞過佢嘅歌喉，加上最近有傳媒約佢做訪問，朱主席就當正自己係紅咗嘅明星，自己開咗個fansclub，今晚，仲會喺尖沙嘴搞個「紅運當頭NewYearParty」!
介紹下呢一個Party先，500蚊入場費一位，有嘢食、有勁歌熱舞睇、仲有機會影合照0添，仲話所有收入扣除開支之後，撥捐社會服務之用。
呢個活動喺Facebook邀請咗3千幾人去，但話可能出席嘅人數截至現在就有13人，而答應出席嘅就有12個，但係實際上就只係得11個，因為當中有兩個疑似係朱主席嘅用戶，一個叫朱主席，一個叫TimChu，兩個用戶嘅大頭相都係朱主席個樣。即係話，如果個party唔計朱主席，有成十個人出席，計返條數即係連邀請人數嘅1%都冇。
乜朱主席咁冇號召力咩？其實不如佢邀請埋彭家麗，到時一齊再合唱過啦！仲有個方法可以吸引多啲人去，就係講到明來賓會同朱主席合唱《從不喜歡孤單一個》，邊個同佢合唱嗰時唔笑就有獎金，相信好多人會參加。
講到朱主席有兩個用戶分身，其實唔只兩個，係有成3個咁多，因為喺個活動page度，每一次有人話會出席，都只少會有3個人讚好同留言，但只要細心留意下，就會發現3個都係朱主席，如果扣除朱主席一個用戶係真的話，咁就即係話有2個人用咗朱主席嘅相做大頭相，仲要每一次朱主席留完言讚完好，呢2個人都會跟住做，係唔係真係會有咁嘅人？
介紹下呢一個Party先，500蚊入場費一位，有嘢食、有勁歌熱舞睇、仲有機會影合照0添，仲話所有收入扣除開支之後，撥捐社會服務之用。
呢個活動喺Facebook邀請咗3千幾人去，但話可能出席嘅人數截至現在就有13人，而答應出席嘅就有12個，但係實際上就只係得11個，因為當中有兩個疑似係朱主席嘅用戶，一個叫朱主席，一個叫TimChu，兩個用戶嘅大頭相都係朱主席個樣。即係話，如果個party唔計朱主席，有成十個人出席，計返條數即係連邀請人數嘅1%都冇。
乜朱主席咁冇號召力咩？其實不如佢邀請埋彭家麗，到時一齊再合唱過啦！仲有個方法可以吸引多啲人去，就係講到明來賓會同朱主席合唱《從不喜歡孤單一個》，邊個同佢合唱嗰時唔笑就有獎金，相信好多人會參加。
講到朱主席有兩個用戶分身，其實唔只兩個，係有成3個咁多，因為喺個活動page度，每一次有人話會出席，都只少會有3個人讚好同留言，但只要細心留意下，就會發現3個都係朱主席，如果扣除朱主席一個用戶係真的話，咁就即係話有2個人用咗朱主席嘅相做大頭相，仲要每一次朱主席留完言讚完好，呢2個人都會跟住做，係唔係真係會有咁嘅人？