【挑戰尺度】丁蟹講「X家剷」
韋家輝向總經理力爭播出街
蘋果跳樓無綫粗口丁蟹秋官無線大時代即時何定鈞韋家輝神劇7點半冚家產何順忍
就係第一集呢個shot,貪生怕死嘅丁蟹送咗四個仔去死,但自己唔敢跳,於是同自己講:「跳呀!X家剷!」但最尾三個字,韋家輝撳細聲咗。
《大時代》第一集,丁蟹喺四個仔都墮樓身亡,死剩佢一個未落去團聚,但丁蟹腳震震顫危危企喺天台邊緣,唔敢跳,結果要幫自己「打打氣」:「跳呀!X家剷!」日前播出呢集嗰陣,不少首次欣賞此劇嘅網民紛紛懷疑自己是否幻聽,其實唔係幻聽,秋官真係有講0架。
今日周刊刊出韋家輝之專訪,憶述播《大時代》呢場戲之前,曾與無綫總經理何順忍及副經理何定鈞拗過一輪,努力爭取先至可以令呢句粗口出到街,條件係要將呢句對白調細聲咗。
92年10月5日,呢幕戲係7點半黃金時段播出,如果同一場景推到今時今日同時段播放,唔知網民有乜嘢反應?