《大時代》第一集，丁蟹喺四個仔都墮樓身亡，死剩佢一個未落去團聚，但丁蟹腳震震顫危危企喺天台邊緣，唔敢跳，結果要幫自己「打打氣」:「跳呀！X家剷！」日前播出呢集嗰陣，不少首次欣賞此劇嘅網民紛紛懷疑自己是否幻聽，其實唔係幻聽，秋官真係有講0架。

今日周刊刊出韋家輝之專訪，憶述播《大時代》呢場戲之前，曾與無綫總經理何順忍及副經理何定鈞拗過一輪，努力爭取先至可以令呢句粗口出到街，條件係要將呢句對白調細聲咗。

92年10月5日，呢幕戲係7點半黃金時段播出，如果同一場景推到今時今日同時段播放，唔知網民有乜嘢反應？