葡萄牙雖然洲際盃四強出局，身為隊長嘅基斯坦奴朗拿度（C朗）連互射12碼都冇得射，不過都冇乜影響佢心情，事關C朗已經賽後由俄羅斯出往美國，見一見佢一對初生龍鳳胎，唔知時刻意安排定是巧合，C朗要留喺馬德里停留了半天等轉機，期間仲同一啲皇家馬德里高層，雙方終於喺轉會風波發生後正式會面。

據西班牙馬卡報等傳媒報導，C朗同高層嘅短暫會面中，態度明顯較為軟化，冇之前信誓旦旦要求離隊咁堅決，而且C朗將開始休季渡假，喺7月10號先至歸隊迎接新一季，度假期間皇馬都仲同佢再作1、2次會面，皇馬方面有信心C朗會留隊。