這幾天，清場風聲每早每晚都在彌敦道吹拂。阿俊和他的車手戰友已提高警覺，每晚風馳電掣來到巡邏佔領陣地，防範警方與黑社會暴力驅散學生。長路裏充滿是圈套，是苦惱，或許會是警告誰料到？旺角守護者車隊10多名成員堅守了近50天，用愛與馬力擁抱旺角。
他們都是素昧平生的小市民，向來對政治也不太熱衷。但9.28金鐘那漫天的催淚氣，把他們從四方八面牽扯過來，從此對為民主普選抗爭的學生不離不棄。「我哋全盛時期有30部車，貨Van、私家車、兩轆（電單車），幫手載人運物資，兩轆最幫到手，唔怕塞車」車隊成員阿俊說。

曾被誤會潛入搞事

除了做後勤，他們也會做前哨，駕車巡視佔領區周邊情況，在外圍探聽風吹草動。「咁多人出嚟，點解我哋仲唔出嚟？班學生用自己嘅身軀、前途同自由去換取民主喎！」暱稱「粉紅BB」的阿偉本身是營業員，一身潮爆打扮加上粉紅色豐田bB，怎看也不像是個會為了保護學生而組成人鏈與警對峙的熱血男兒。
跟阿偉同年的29歲IT保安Kay解釋，他們集中守護旺角，因旺角環境遠比金鐘及銅鑼灣複雜，常有黑社會及藍絲帶組織突襲打人。他們當中有人不諱言自己也是古惑仔。本來留守金鐘的阿納就是因為旺角朋友向他求助，「佢哋話旺角有黑社會分子滲入，我係元朗人，就過來幫手望吓，睇吓有冇鬼」。
他們打扮不大斯文，初時也被誤會是潛入搞事的藍絲人。「我哋個款似嘛，初時我哋都俾人以為嚟搞事；最好笑係我哋都誤會過另一班人，有日成班男人戴晒手套落來，全部大大隻隻，古惑仔樣，點知原來係拳館嘅人，嚟守護路障，20人守咗幾晚。」Kay說。
這群熱血車手是佔領者眼中的馬路天使，卻是警察眼中的不法分子，清場日子越來越近，隨時付上被捕代價。Kay說：「警察已經點晒我哋相㗎喇，每晚至少抄低我哋車牌三次，成日有便衣嚟影我哋啲車。抄嚟做乜？唔知呀，秋後算賬囉。」車隊中最年輕的阿納說：「我哋從來冇掩飾自己，個個唔戴口罩，我哋都算係佔領者，監都預咗坐。」Kay亦說：「小朋友（指學生）都敢出來抗爭，我哋成年人都唔做啲嘢，不如唔好做人！」