【獲永久贊助】兩女各有志願 趙頌茹爆女兒剪爛衫褲鞋襪為公仔做衫
趙頌茹羅力威畫家張堅庭何弘軒設計師可嵐蓋世寶兒童學習中心
趙頌茹(Yu)、羅力威、蓋世寶、張堅庭及可嵐等,今日一齊去到長沙灣出席由歌手何弘軒同朋友合資開嘅兒童學習中心開幕儀式,何弘軒話:「好有信心,好多朋友打嚟支持,一直冇諗過向兒童界發展,但係之前做咗十幾場兒童劇,搞下又一條出路,自己會做客席導師教音樂。」
阿Yu兩個囡囡分別係8歲同6歲,何弘軒話會永久贊助兩女喺藝術中心免費學習,阿Yu話:「身為媽咪趁兩個女返咗學嘅時候,就可以忙裏偷閒,佢哋去咗學興趣班,我就有一個鐘頭放鬆下。」阿Yu又話每個小朋友都有不同天份,細女想成為畫家,但係自己比較現實,驚佢長大後搵唔到食:「不過我哋細個都唔識得諗大個嘅時候做啲乜,今年阿女話要做設計師,屋企啲衫褲鞋襪,俾佢剪爛晒幫公仔做衫。」
精選娛聞,喺晒《娛果》
http://fb.com/appledailyent
何弘軒(中)升呢做老闆,Yu、張堅庭、蓋世寶同羅力威都有到賀。