林夏薇上月底低調閃嫁身家逾20億嘅上巿公司董事莫贊生（Jason），經過差不多一個月小休後，今日正式復出拍劇，並喺上環出席宣傳活動。

呢位幸福人妻甫現身已獲不少同事恭喜，佢話：「之前係想喺一個低調既情況下進行，當然我0依家好開心，可以同大家分享，遲啲會請大家食飯。」到時老公可能會出席。

問到夏薇做人妻嘅感覺，佢甜笑表示：「我有乜特別變化，叫做多咗一個身份，之前人哋叫我莫太都唔係好慣，0依家開始慣啲同適應，但都係好開心，會好努力做嘢，老公亦都好支持我。」造人大計方面，夏薇坦言隨緣：「我哋冇編排話幾時，但係如果有，當然會好開心去迎接。」