韓國女星金所炫早前於人氣韓劇《鬼怪》中，飾演高麗時代嘅王后，雖然只係客串演出，不過因為演技好而令劇迷印象深刻，唔少人都表示好想再睇金所炫演古裝劇。

而金所炫跟俞承豪主演嘅MBC古裝劇《君主─假面的主人》將於5月10日首播，劇組今日公開新預告片，見到世子李愃（俞承豪飾）戴上面具登場，而一心想向世子報仇嘅韓佳恩（金所炫飾）亦登現，只見佢拔劍似乎要去殺世子，不過被制服，劇迷就大讚金所炫眼神戲非常好。

至於俞承豪戴住個鐵面具個造型，有網民就話同里安納度狄卡比奧（Leonardo DiCaprio）嘅舊作《鐵面王子》（The Man in the Iron Mask）嘅造型都好似。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。