日本組合Morning娘前成員吉澤瞳上周涉醉駕傷人，酒醉駕車至中野區，撞到一名揸單車嘅女子，該女子跌低時再撞到一名男子，兩人均受輕傷，佢事後不顧而去。事發15分鐘後，吉澤瞳返回現場報案，警方以過失駕駛致傷罪、酒醉駕駛等罪名將佢拘捕。

雜誌《Friday》公開事發時所錄得嘅片段，清楚見到揸單車嘅女子同身邊男子過馬路時，被吉澤瞳駕駛嘅白色座駕撞到，吉澤瞳見狀冇煞車，繼續踩油離開。

吉澤瞳事後曾稱因為現場太多車，而未能及時停車報警，今日有傳媒就爆吉澤瞳離開嘅15分鐘期間，曾致電老公求助。

精選娛聞，喺晒《娛果》
http://fb.com/appledailyent