當年今日

霆鋒撐場都發晒台瘟
Twins側手翻撞埋一堆

蘋果日報 2002/08/13 00:00


Twins前晚在會展演出,邀請了謝霆鋒擔任嘉賓。但Twins經常發台瘟忘記歌詞,在表演招牌側手翻時又失準,竟然撞在一起,十分搞笑。她們在台上表示成功的藝人是不能忘記台詞、不能走音、不能只識得笑,但卻承認自己樣樣都做不到。
二人組合Twins前晚在灣仔會展舉行「可口可樂Twins熱唱YesssssSummerShow」,約有七千觀眾到場支持,製作費約一百萬。Twins和早前在招募行動中勝出的十一個參賽單位在台上載歌載舞,並表演側手翻,但兩人打完側手翻後即撞在一起,大失水準。

只負責頒獎
謝霆鋒前晚任頒獎嘉賓,他身穿一件國家足球隊全體隊員簽了名的中國隊球衣,台下觀眾一見霆鋒出現,即全場哄動,不過霆鋒沒有獻唱,頒完獎後即坐在台下睇騷。
Twins在台上說:「做成功嘅歌手係有要訣嘅,首先唔可以忘記台詞、唔可以走音、唔可以食『螺絲』、唔可以『騎呢』、唔可以淨係識得笑,我哋係咪好符合資格呢!」
蔡卓妍(阿Sa)獨唱時揀了蘇永康的歌曲《從未發生》,她說:「我揀呢隻歌係因為覺得蘇永康好勇敢、好堅強,而且啲歌詞好有意思。」對於前晚的表現,Twins說:「我哋好緊張,第一次戴嗰啲耳塞,一路唱歌一路又要聽導演叫唔好走錯位,好混亂。頭先我哋講成功藝人嘅嘢,都係我哋做唔到嘅嘢,尤其我哋喺台上成日口吃。」

曲腳配隊名
之後Twins接受記者訪問時,談及Cookies翻斛斗時雙腳彎曲,Twins說:「曲腳打斛斗係一種舞步,我哋都學過。」而經理人霍紋希則說:「Cookies隻腳梗係曲㗎啦,佢哋想配合番個隊名吖嘛!」
採訪:李珮洳
攝影:仇志德