香港人對珍茜摩爾不陌生，一提其經典愛情電影作品《時光倒流七十年》，更是勾起不少美麗回憶，張栢芝和劉青雲05年拍攝喜劇電影《喜馬拉亞星》時，曾以《時》片男女主角造型亮相，向該片「致敬」，證明港人的確對此電影印象難忘。

秋官：好有feel

秋官鄭少秋坦言當年不但迷上電影，更迷上柔揚悅耳的電影主題音樂，故把該片主題音樂編成《如在夢中》一曲。他昨日在電話中說：「我好鍾意部戲，好鍾意首歌，好有feel，成個人迷迷惘惘咁啦。不過我記得部戲喺外國唔係咁紅，但喺我哋呢邊就好鍾意，好啱東方人口味，尤其係女主角好迷人、好有內涵。」
盧大偉則表示早在珍茜摩爾拍電視劇年代已迷上她，《時》片更看過六、七次，並有幸曾跟大美人見面合照，他昨日說：「佢好友善，不過真人冇喺電影上咁靚。」
導演羅啟銳也笑言難忘當年相約女孩子到碧麗宮戲院欣賞這部愛情片，他說：「嗰時仲讀緊書，覺得女主角好靚。同女仔睇梗係睇一個浪漫古仔，一個隔世相戀故事梗係最浪漫啦。」身為70後的彭浩翔說：「我喺電視度睇過，睇時都有少少感動。」
採訪：林妃