地產多聲道：
黃志祥微服巡奧海城
蘋果日報 2003/01/13 00:00
蘭西噚日喺大角嘴奧海城商場閒逛，無意中見到信和主席黃志祥挽住個袋四圍行，一睇就知佢微服出巡啦。
黃生着米白色風褸配淺色西褲，同平日西裝骨骨嘅斯文形象完全唔同，不遠處就有商場職員，同幾名着西裝男子好緊張咁陪伴左右，由於佢哋傍得唔係好揚，所以大家都冇乜為意。
奧海城商場係信和嘅重點商場，難怪佢咁緊張嘅！
其實商場啱啱落成時，蘭西都見過黃生嚟巡視，對唔滿意嘅地方重指指點點㖭，足見佢要求之高。
新地郭氏兄弟假日巡視商場同做家訪，好多人都知，原來黃志祥都有咁嘅習慣。身為老闆就要周圍踩場，睇吓點樣將公司搞得更好，老細唔易做，夥計更難做。
大陸商廈管理費揦脷
港人鍾意喺內地置業，好多時都係貪佢樓價、管理費同消費平，不過上去做生意情況又唔係咁睇，蘭西最近收到中原（中國）嘅物業報告，發覺原來內地有啲寫字樓同商場，管理費一啲都唔平，好似上海嘅凱迪克大廈，呎價929蚊，但管理費就要兩蚊呎，比起一啲只係幾毫子呎嘅寫字樓貴好多倍。
而深圳嘅太陽廣場商舖，呎租55.7蚊，但管理費竟然要每呎四個二，係租金嘅7.5%。當然，若果做到生意有錢賺嘅，相信租客都唔介意畀多啲。
黃生着米白色風褸配淺色西褲，同平日西裝骨骨嘅斯文形象完全唔同，不遠處就有商場職員，同幾名着西裝男子好緊張咁陪伴左右，由於佢哋傍得唔係好揚，所以大家都冇乜為意。
奧海城商場係信和嘅重點商場，難怪佢咁緊張嘅！
其實商場啱啱落成時，蘭西都見過黃生嚟巡視，對唔滿意嘅地方重指指點點㖭，足見佢要求之高。
新地郭氏兄弟假日巡視商場同做家訪，好多人都知，原來黃志祥都有咁嘅習慣。身為老闆就要周圍踩場，睇吓點樣將公司搞得更好，老細唔易做，夥計更難做。
港人鍾意喺內地置業，好多時都係貪佢樓價、管理費同消費平，不過上去做生意情況又唔係咁睇，蘭西最近收到中原（中國）嘅物業報告，發覺原來內地有啲寫字樓同商場，管理費一啲都唔平，好似上海嘅凱迪克大廈，呎價929蚊，但管理費就要兩蚊呎，比起一啲只係幾毫子呎嘅寫字樓貴好多倍。
而深圳嘅太陽廣場商舖，呎租55.7蚊，但管理費竟然要每呎四個二，係租金嘅7.5%。當然，若果做到生意有錢賺嘅，相信租客都唔介意畀多啲。
舊年一手樓市獨旺，好多代理分行都係靠推銷一手，先有條靚數，但利嘉閣最好數嘅分行卻主要做二手，就係西貢分行，營業額近九百萬，點解咁掂，相信同有鎮舖之寶嘅客戶經理劉家璿有關，淨係佢一人嘅數已佔咗成間分行三分一。劉小姐重喺最高營業額員工榜上，連續六年蟬聯冠軍，上司黃富傑自然飲得杯落啦！
聽講季軍嘅大圍分行，亦係主力靠二手，而且價錢重係幾十萬嗰隻，真係密食當三番，結果就做到近664萬數。至於亞軍係麗城三期分行，營業額726萬元。
聽講利記六十幾間分行中，頭十間營業額最高嘅分行，合共近六千萬元，佔全公司嘅22.5%。
近期樓市淡靜，皆因冇大型新盤推出引起市場注意，發展商都係做吓啲吹風工作，所以代理同發展商高層都乘機放假休息兼充電。
好似中原一姐劉瑛琳，放假去咗日本浸溫泉，認真識享受。聽講九龍倉助理董事黃光耀都喺呢段時間放假。有代理估發展商會到2月尾至有大動作喎！因為到時美國係咪打伊拉克已經有結果嘞。
華懋集團今年重點銷售嘅青山公路傲庭峰，喺荃灣綠楊新邨同南豐中心，租咗兩個攤位，由上周起一連四個周末做展銷，聽講淨係租金都要三十幾萬。
上個禮拜攤位開張，咁啱華懋售樓部經理吳崇武同美聯執行董事張錦成都係呢個月生日，所以順便慶祝埋，大家互送蛋糕。美聯係呢個盤嘅獨家代理。
蘭西
電郵地址：
奧海城商場
利記西貢分行攞到營業額冠軍，黃富傑真係飲得杯落。
吳崇武（右三）、張錦成（左三）