「一個多月前，杜太已經為了支持我而在她緊密的拍攝期當中請假。今晚的金像獎頒獎典禮，有她伴侶，我已經心滿意足。人問我何解狀甚輕鬆，無他，我早已得到了人生中最大的獎項。」 這個「我」，叫杜汶澤，今晚金像獎，以大熱姿態，爭逐男配角同男主角獎。決戰前夕，佢冇去揼骨減壓，而係返office；今日決戰，佢選擇同太太食個brunch，並寫下以上一段心聲。

愛妻田蕊妮如何回應呢？

只係簡簡單單三個字﹕「Iloveyou.」

有份爭影后嘅影壇新丁江若琳，行色匆匆，噚晚從深圳拍完劇連夜趕車返港出席頒獎禮。睇網上新聞見舒淇點名讚佢，即開心謂﹕「我好激動…好激動呀…能得到我女神一句讚賞真的太太太開心了。我真的很謝謝你。」

Ready？GO﹗