任達華昨日往金鐘出席一高科技活動時，大爆自己當年求學時期也是校園暴力事件的受害者，被年長同學圍着剪他頭髮，他指現今這種風氣重現，是因青少年濫用自由之故，所以要嚴懲處理。

任達華昨日往金鐘萬豪酒店出席軟庫及Xybernaut的高科技活動，大會將推出一款可穿戴的流動電腦，待發展成熟時，更會送贈一套給任達華，他笑言屆時可隨時隨地監察妻子琦琦的行蹤。提到校園接二連三發生暴力事件，任達華表示他在求學時期也曾被同學欺凌，他說：「我中學時俾五、六個年長過我嘅同學圍住剪我啲頭髮，但我當時冇還手又冇告發佢哋，咁樣都忍得，重有乜嘢唔得？」

「妒忌我靚仔」
問任達華當時這班同學剪他頭髮的動機是甚麼時，他竟神氣地說：「佢哋妒忌我靚仔，多女同學送禮物畀我囉，雖然當年我都已經好高大，但大班人圍住你就冇得還手。我好自豪讀書時冇打過交，我當時諗只要讀書、運動叻過你就得，唔係靠蝦人嘅。」

物質太豐富
任達華並指現今校園暴力事件猖獗，是因為現今的學生濫用自由，他說：「就係畀得太多自由佢哋，有時嚴厲懲罰係啱嘅，我唔係主張體罰，學生犯錯第一次應該畀機會佢哋，再犯就要罰。我覺得𠵱家啲學生物質太豐富，又冇時間發洩，應該多啲做運動就真，而且學校應該提供一個安全嘅環境畀學生，安裝閉路電視就啱啦，有警惕作用吖嘛。」
採訪、攝影：林妙萍