足球流氓搞事手尾長 隨時踎監15年
俄羅斯冠軍戰飲酒揭幕戰世盃抽籤2018年俄羅斯世界盃足球流氓
英格蘭同俄羅斯嘅球迷曾經喺2016年嘅歐國盃爆發流血衝突,雙方喺法國馬賽街頭毆鬥,場面非常誇張。為咗避免衝突再生,英國警方日前警告去俄國睇波嘅球迷,話如果佢哋喺當地搞事嘅話,根據俄國法律最高可判監15年。
除咗阻嚇之外,警方又呼籲英國球迷唔好做具挑釁行為,如果重演2016年歐國盃嘅暴力事件,涉事球迷就可被判監8至15年。另俄國政府亦會重罰黃牛黨,每賣出一張飛就會被罰3千至2萬鎊。即如果有黃牛黨出售4張決賽波飛,佢就有可能被罰總共10萬鎊。
睇波就少不免飲酒,但俄羅斯聯邦法就唔容許民眾喺公眾地方飲酒,而括免嘅場所就係酒吧、餐廳以及其他得到許可嘅地方。所以球迷到時就去到俄國就要小心啲,因為隨時會畀人罰錢!
--------------------
係你!打造星級球隊,征服各地聯賽!立即加入『BFB CHAMPIONS 2.0』! http://bit.ly/2xrTKGM