大陸當家小生馮紹峰早前同曾演《美人魚》嘅林允拍拖，不時被影到佢哋嘅行蹤，今日有大陸報道爆林允喺平安夜當日，在WeChat朋友圈留言：「我是單身狗!」令唔少網民聯想呢段人魚戀就咁bye bye，仲未見光就死!

據知情者講馮紹峰同林允確實分開咗一段時間，分手原因係因為「新鮮感過了，炒作也過了，粉絲和行業內的人士都不太認可，他們本身壓力也很大，所以分手很正常」，有許多原因搞到呢段「人魚戀」最終分道揚鑣。

馮紹峰同林允自上年初被影到共度農曆新年，令戀情曝光，但馮紹峰同林允從冇公開認情，而外界亦唔睇好呢段戀情，不少網民亦送上祝福，希望二人各自發展順利。