韓劇《魔女的法庭》男主角尹賢旻，日前拍畢劇集後接受傳媒訪問，當中提到佢出道6年後終於成為電視劇男主角嘅感受。

現年32歲嘅尹賢旻入行只有7年，佢謙虛表示自己仍屬學生階段，由於佢未做演員前，係職業棒球手，仲做足整整10年，佢唔係因為發明星夢而去做演員，而係佢棒球生涯受挫，令佢不得不轉行做演員，佢話：「我係不得不轉行做演員，所以我眼光放遠，只係希望自己喺40歲時可以出演電視劇，但估唔到機會比想像中快到來。」

至於有邊位藝人值得佢學習時，尹賢旻直認喺一間學院學習演技3個月，而好多時佢都會模仿前輩嘅演技，趁機偷師，當中佢心目中值得學習嘅前輩就係已故藝人金柱赫，尹賢旻話：「佢喺做人同演戲方面都係我好想學習嘅人。」

更多韓流，喺晒《娛果》
http://fb.com/appledailyent