五礦建設(230)股價質到阿媽唔認得,提供長線收集機會。五礦建設係五礦集團嘅地產上市旗艦,而阿媽五礦集團又隸屬國資委直接管理,講來頭背景,已經超班。而五礦建設話明係旗艦,對佢未來業務市值再壯大,又有憧憬。又五礦建設現金高達33.7億銀,淨借貸得7億銀,淨借貸比率得11%,講財政,亦fit到爆。再講,五礦建設家陣PE得6倍單位數,而上年底止,集團嚟自內房嘅預售收入,已經上到21億銀人仔。今年上半年,集團內房預售收入,上扣26億銀人仔。預售成績靚爆鏡,嚟緊日子業績,繼續有睇頭。呢轉五礦建設再質穿1蚊收集,擺長線,博升1倍樓上到兩蚊,連重秤後NAV折讓,仍然高40%。