當年今日
關於我們

【電視風雲】港視開台添變數 良心亞視:我哋做好主流媒體工作

蘋果日報 2014/01/06 06:00

亞視良心葉家寶詹培忠港視潮州怒漢香江怒看

亞視全新時事資訊節目《香江怒看》,由詹培忠同褚簡寧主持,今日喺大埔總台舉行拜神儀式。詹培忠指向來不受任何壓力,會盡能力為市民發聲。

對於中移動母公司決定內部調查子公司中國移動香港同港視交易,令港視開台再掀波折,亞視高層葉家寶話:「亞視一向都係做好自己本份嘅節目,做好主流媒體工作,我哋嘅挑戰唔只係王維基、無綫電視,挑戰係嚟自全球資訊爆棚,中國內地電視同埋香港睇到嘅所有衛星電視,所以亞視喺2014年開始,更加加碼做好多好節目。」至於會唔會向無綫挖角小生花旦,葉家寶話不論藝人係屬邊間機構,只要合適,都會聘用。

講咗好耐嘅開拍劇集,嚟緊真係落實。張家瑩話好想同跟袁文傑合作,更大讚對方靚仔瀟灑;顏子菲就笑道:「我想代表亞視參加韓國綜藝節目《RunningMan》,仲想同韓星李光洙合作。」