中國公安部聯同多處境外執法部門，破獲一個跨境電訊詐騙集團，曾收到冒順豐快遞語音來電的讀者鄧小姐指，並不對事件感到驚訝，坦言「唔覺得係咩突破，大陸乜都有假，可能係中國政府做畀你睇，已經拉到人」。

鄧小姐指，8月收到冒順豐快遞語音來電，指她有未接收包裹，10月則收到一名自稱順豐職員來電，對方更能說出其姓名。鄧小姐隨即致電並發電郵向順豐查詢，順豐其後以電郵回覆指，並無職員使用該手提電話號碼，當順豐致電該電話號碼，對方仍自稱為其職員。至11月，鄧小姐的家中固網電話亦收到冒順豐快遞語音來電，幸家人並無中招，她坦言：「拉到人？係咪真係嗰啲人（詐騙集團成員）又唔知。……電話騙案都咁多年，拉極都拉唔晒！」

同樣收過多次「假順豐」來電的黎女士，得知公安破案後，對電話騙案是否能絕跡亦不敢苟同，她直言：「唔會拉得晒㗎，你估會絕跡咩？同大陸有關係嘅，例如做生意嗰啲，就驚啲囉！」她笑言全家人一早已看穿這類騙案，故不會輕易中招。

想睇最新消息？　即時follow【現場－蘋果突發】 fb！ http://fb.com/applecitycrime