黎明舊將JW(王灝兒)，早排俾人話同好友G.E.M.爭仔，而所爭嘅就係關之琳前夫王國旌嘅外孫MarkNgai，事後G.E.M.就話大家諗多咗，至於JW亦堅稱自己係單身，不過睇番佢個ig，佢同Mark啲合照嘅數量，再加埋人哋屋企familyday，JW都有在場，話同Mark係普通朋友，怕且都冇咩人信囉！

不過今次講嘅重點，唔係JW亦唔係G.E.M.，而係Mark嘅細妹JoyceNgai，現年26歲嘅Joyce，係今年港姐候選人，原本家底已經唔差，又係麥明詩個friend，又係JW未來姑仔，同娛圈人關係千絲萬縷，而佢學歷亦唔弱，舊年喺英國倫敦政治經濟學院修讀法律系畢業，正式成為律師。

雖然今年港姐唔少高學歷嘅港姐，不過單睇Joyce牌面，絕對唔輸蝕得過其他人，加上Joyce為人疏爽，喺佢ig就放咗唔少水著相，要成為今年港姐大熱，應該冇乜難度！