【爆相爆片】現年39歲嘅高皓正，七年前與醫生陸凱兒共諧連理，婚後育有一對子女，長女純意已經5歲，幼子神悅則3歲。高皓正的子女都就讀九龍塘St Catherine's國際英文幼稚園。日前讀者陳小姐透過《蘋果》的「爆相爆片」，提供了高皓正涉違規停車，等候接子女放學的照片。
陳小姐表示當日看到高皓正坐由司機駕駛的白色七人車到九龍塘接放學，他的車子停在添福道附近，陳小姐日前在電話中說：「當日大約4點40分，高皓正坐嗰架車泊正行人過路處，嗰日啱啱落完大雨，路人都狼狽不堪趕接小朋友放學，高皓正就舒舒服服咁坐喺車內玩手機等，完全罔顧其他道路使用者。佢為人父母竟自私自利，咁點以身作則教導小朋友？」

「唔知有咁做」

陳小姐指高皓正不是初犯，力斥他的車停泊黃線位置不對，其實陳小姐是有讚有彈，她指麥家琪及陳浩民兩位家長接放學時，都會將車停泊行人路上等候，只有陳慧琳接仔放學守規矩最抵讚。
高皓正和醫生老婆陸凱兒分工合作照顧子女，當太太忙於應診，高皓正就做湊仔公。對於被讀者指證行為有欠公德心，高皓正日前回覆時說：「我唔知自己幾時有咁做咗，如果有大意阻住行人，真係唔好意思，我會再小心多啲，最緊要啲小朋友安全，我會多加留意。」高皓正表示暑假有意帶小朋友入住迪士尼的新酒店。
採訪：劉敏