【一卵難求】搵安琪蓮娜撞樣嘅女人捐卵可賺10萬美金
蘋果JenniferAniston安琪蓮娜祖莉即時捐卵AngelinaJolie荷李活影星一卵難求採卵10萬美金
荷李活影星安琪蓮娜祖莉(AngelinaJolie)一向好有吸引力,喺美國有唔少die-hardfans,癡情程度包你估唔到,據台灣媒體報道指,美國有人好想要安琪蓮娜嘅「卵子」。
據知一間名叫Bhed嘅卵子銀行近日喺美國加州大學洛杉磯分校(UCLA)每日報上刊登一則分類廣告,想要以10萬美金(約77萬港幣)徵求畢彼特(BradPitt)愛妻安琪蓮娜嘅「卵子」。
不過該公司都唔係好天真、好傻嘅,實知冇可能搵真嘅安琪蓮娜喇!正版嘅安琪蓮娜一粒卵子點值咁少錢,據報導表示,嗰個分類廣告嘅具體要求係捐卵者必須個樣激似安琪蓮娜,仲要係一個高挑修長嘅白人,兼擁有安琪蓮娜嗰種高顴骨同飽滿前額,睇嚟要搵到呢個人都唔容易喎!只要具備以上條件,佢哋就同佢進行兩次採卵,且俾當時人10萬美金嘅酬謝金。
不過,有外國媒體笑指,如果多咗一個人同安琪蓮娜生得一模一樣,畢彼特前妻JenniferAniston應該會係覺得最唔開心嘅人。