【本報訊】法科師傅吳佩孚表示,正式鬼節應為農曆7月15日,又叫中元節。相傳鬼丁會選擇在該日入侵陽間,故此人們才在7月14日做節,「通常路祭吓啲餓鬼,有啲其實係自己嘅親人,所以盂蘭節其實有孝親嘅意思」。
吳師傅強調靈探非常危險,揀在鬼門大開之時玩,「好似多咗好多自由行咁,比平時多10倍機會撞鬼」。他指在靈探現場玩捉迷藏,有機會「捉捉吓可能發現多咗啲人」。他曾見過有人到墳場探險後被鬼上身自殘,「試過有人失常斬甩自己手指,亦都有人事後失常自殺」,警告靈探活動是「撩鬼攞命」,勸年輕人勿亂來;並指對靈界應保持尊重的態度,去到墳場及鬧鬼之地不要隨便喧譁,最重要「唔好執嘢返屋企」,因為可能是鬼魂的遺物,又或附有靈體。