【大阪電影節】溫碧霞余香凝無懼疫情出席 《墮落花》借毒「港」故事
蘋果日報 2020/03/01 06:00
黃浩然溫碧霞大阪電影節余香凝花椒之味李卓斌墮落花
第15屆大阪亞洲電影節將於下星期五舉行，今年的Special Focus on Hong Kong 2020挑選了6部有香港成份的電影，除3部入圍競賽部份的電影《金都》、《散後》及《少年的你》外。還有李卓斌導演、溫碧霞（Irene）主演的《墮落花》；鄭秀文主演、麥曦茵執導的《花椒之味》；黃浩然、林子穎聯合執導的短篇電影《四段四分鐘》，《四》片同時入圍角逐芳泉短編賞（Housen Short Film Award）。Irene、余香凝、黃浩然及林子穎都會出席影展。
導演李卓斌是繼《G殺》後再次入圍大阪電影節，他早前接受《蘋果》訪問談到今次新作《墮落花》，內在的元素比前作多，他說︰「有製冰毒過程，黑幫活動同槍戰場面，整體規模同要注意嘅地方比較多，當中仲有唔少疑幻疑真場面，回憶同幻覺交集，唯一同前作相同嘅係想透過關於製毒家族嘅興衰，講一個關於香港嘅故事。」不少人都着重Irene跟陳漢娜（Hanna）的激情戲份，導演話毋須過份放大「同性」這部份，他說︰「因為兩個角色喺成長背景同價值觀都好相似，互相之間有一種連繫，情感上相似，所以有一種非理性嘅投契，好容易互相吸引對方。拍攝過程裏面陳漢娜感覺仲主導，佢同Irene之間，會覺得陳是比較take care對方多一啲，Irene反而比較有少女嘅感覺。」至於有人將《墮》片同《G殺》比較，李卓斌話基本上都是同一製作團隊，希望可以成為團隊的風格。
Irene早前接受訪問時指《墮》片有好多場戲都非常難忘，特別是激情部份，她說︰「最難演係角色有毒癮，除咗飲酒之外都要知道吸毒嗰種感覺係點樣，所以都有做一啲research。」她講到同性拍親熱戲較尷尬，因為之前未拍同類戲︰「不過投入咗之後同Hanna拍出嚟感覺好自然，好真實。好多時拍呢類情慾戲，男仔女仔都會尷尬。」她又自爆除Hanna外，跟關智斌亦有情慾戲份。她很欣賞編劇在所演角色餘雨的設定，她說︰「好dramatic一路睇落去會追故事發生，好多場戲好震撼同爆發性，好有發揮，而且同過往演開戲路好唔同。」
另外，入圍短片獎的《四》片由4個故事組成，故事講述四段關係，四種階段，余香凝沉醉交友程式，一次又一次與男生發生關係，又害怕建立關係。每每傷痕纍纍後，又只能繼續在滿途荊棘的愛情路上幻想着美好的彼岸。
《果GYM》隨身播 健身壹App過！
Irene無懼疫情下星期前往大阪。（被訪問提供照片）
（被訪問提供照片）
戲中Irene演癮君子。
戲中Irene跟Hanna有不少對手戲。
李卓斌借《墮》片講香港故事。（資料圖片）
余香凝將出席電影節。
鄭秀文主演的《花椒之味》入圍電影節。