當年今日

  葉國謙變帶女洪郎 - 李八方

蘋果日報 2002/09/02 08:00


民建聯噚日喺沙田搞咗個「生態旅遊全接觸」活動,介紹新推出嘅生態旅遊路線設計比賽。冠軍有六千大元獎金,民建聯正副主席到齊,而蔡素玉則着咗一條鮮綠色長褲到場,但都唔夠小妹妹搶鏡。
話說台上有十一歲嘅小歌手勁歌熱舞容祖兒嘅《全身暑假》,台下就有一位五六歲唔見咗媽咪嘅小女孩哭哭啼啼。保安員唔知點算,手騰腳震忙住打電話搵番個失魂媽媽,又要安慰含住泡眼淚嘅細路。葉國謙見狀惟有同小妹妹傾吓偈,不過佢嘅親和力今次有啲失效,小妹妹只顧住喊(見圖);葉國謙講乜,都只以點頭搖頭回應。直到媽咪返轉頭搵番愛女,葉國謙呢位客串保母先鬆口氣。



傳真︰2623-9278
電郵︰[email protected]