當年今日

廣告添食
新邦民女爬樹放水

蘋果日報 2009/10/05 00:00


現年19歲的陳嘉寶(Anjaylia),自從取代羅凱珊(Kama)成為新一代邦民女後,廣告一出街瞬即攻陷電車男,雖然近日的o靚模熱有冷卻迹象,不過對她影響不大,早前Anjaylia更火速添食拍新一輯廣告,難怪她也坦言開心多於一切。
陳嘉寶早前在九龍塘拍攝新一輯邦民廣告,今次廣告內容大sell溫情,例如扶阿婆過馬路,以及爬樹幫小朋友執波等,雖然鏡頭前Anjaylia爬樹表現輕鬆,不過鏡頭後實際驚得要命,但最終她都親自完成。
Anjaylia堅持不行性感,但單靠清純形象依然hit爆,工作接踵而來,對此Anjaylia有感而發地說:「拍完第一輯廣告後,冇諗過有咁大迴響,亦冇諗會有咁多人認識,不過對我嚟講係對modeling工作有好大幫助。」
empty
Anjaylia初初爬上樹後仍然強裝鎮定舉起V字手勢,不過其後發現有蟻四處爬,即嚇得用手攬實樹幹(右圖)。
empty
連踩18粒鐘
談到再獲邀添食拍新一輯廣告,Anjaylia說:「酬勞方面有冇調整真係唔清楚,對我嚟講真係好開心可以再合作,其他嘢都唔係咁重要。」在廣告內Anjaylia將有不少新嘗試,她說:「今次我唔再係齋企同齋講對白,反而會有好多新嘗試同動作,好似爬樹咁,雖然我真係好驚,樹上又有好多螞蟻喺我隻手附近度徘徊,喺現實生活真係未試過,所以我真係好鍾意拍廣告。」當日Anjaylia一口氣連踩18個鐘轉了三個場地拍攝,但年紀輕輕的她完全不覺辛苦,似有用不完的精力。
採訪:何慧斯
攝影:陳志嵐
empty
今次Anjaylia除了單拖演出的鏡頭外,還要和小朋友做對手戲。