舊中銀大廈復修工程維時數月終於完成，成為中銀香港（2388）私人銀行總部。著名建築師貝聿銘兒子貝禮中（圖）噚日帶傳媒參觀，往時遭到覆蓋嘅Mosaic（馬賽克）設計天花，復修後終重見天日。
1951年舊中銀大廈落成，中庭舊天花以9個大方形砌成，並以淡金色格子作為底色，再以白色、啡色、藍色格子配襯，砌成布幣、方孔圓錢圖案，錢幣上並有古字，大概為金、銀、財、通等意思，外邊以祥雲包圍。
不過，1998年新華銀行分行搬入舊中銀大廈時，裝咗個假天花遮住咗，貝禮中話復修最大挑戰係重現天花原貌，避免損漽，仲要好細心復修每一粒破爛嘅格仔，其間搭晒棚架，工程都幾大。另外中庭嘅圓柱變番方柱，同時引入咗啲奶白色嘅意大利雲石嚟修補，帶嚟和暖嘅氣氛。