當年今日

偶像忽然壓軸
GiGi夢成真與憶蓮淚相擁

蘋果日報 2002/01/07 00:00


梁詠琪(GiGi)前晚在紅館演出尾場個唱,其偶像林憶蓮突然上台獻花,兩人擁抱並感動落淚,GiGi謂憶蓮捧場對她來說是夢境成真,而伊健前晚工作完畢亦趕到紅館支持女友。
梁詠琪(GiGi)共三場的處女個唱前晚在紅館完成最後一場演出,GiGi事後自言最興奮的莫過於她的偶像林憶蓮突然上台獻花,令她夢想成真。

憶蓮上台合唱
前晚GiGi邊彈鋼琴邊獻唱偶像林憶蓮歌曲《至少還有你》,唱至尾聲時,憶蓮忽然上台與GiGi合唱及獻花,GiGi甫見偶像即呆立當場,繼而哭着擁抱憶蓮,憶蓮亦被感動得流淚,GiGi牽着憶蓮的手說:「你係我偶像嚟㗎,我無論做大、細騷都唱你啲歌,我喊好正常,你做乜又喊?」憶蓮說:「我見人喊自己都會喊㗎。我咁多年嚟都有留意你,睇住你努力同進步㗎。」憶蓮離台時,GiGi拉着她錫了兩啖才讓憶蓮離開。其後GiGi又說:「我重暈緊呀。」
GiGi到慶功宴時仍難掩興奮心情,她說:「好似發夢咁呀,我之前夢見佢(憶蓮)喺台下睇我個唱,估唔到佢𠵱家重上埋台,夢想成真呀。」
含羞答謝伊健
伊健前晚出席完新戲《無限復活》首映後,急忙趕到紅館支持女友。GiGi唱完伊健歌曲後表示要多謝一個人,全場觀眾大叫伊健名字,GiGi含羞地說:「伊健,答中咗,冇獎品。呢兩年我哋一齊經歷過一段難忘日子,𠵱家各有各工作,時間證明一切,最開心係得到大家嘅認同。」
前晚另一嘉賓郭富城則帶着一大包面紙上台送給GiGi,城城並說:「一定貴過公仔麵㗎,你都算有面子,呢幾場你都喊咗好多啦。」城城與GiGi互笠高帽之餘,還一起跳ParaPara。而馮德倫、張燊悅、傅珮嘉、楊千嬅前晚都有往紅館捧場。
採訪:梁詠怡
攝影:仇志德