安以軒2017年同澳門德晉集團CEO陳榮煉結婚，今年3月忽然因急病，聽取醫生建議即時做手術，怕有生命危險，一度有傳係宮外孕，近日又傳佢懷孕，早前喺聖誕節當日，安以軒貼出同老公嘅合照，雖然安以軒着上黑色衫、刻意側身企，不過放大啲張圖嚟睇，安以軒個肚似係微微隆起。

38歲安以軒今日再喺微博貼出近照，原來佢出席細妹婚禮，留言：「2018的最後，把親愛的大妹『寶寶』嫁出去了，席間忍不住落淚了三次，看着她嫁了一個愛了她八年的老公，還有疼她的公婆⋯⋯做大姐真的很替妳開心，因為我知道妳是真的會很幸福的，再見2018，我們一起帶着幸福奔向2019，我媽一直說她比我美，新娘最美好嗎，大姑姑說我一嫁，妹妹們都嫁了。我來想想明年把誰嫁了?」

相中見安以軒淡妝出鏡，散出孕味，着上鬆身外套，未知係唔係用嚟遮肚，根據安以軒衫身嘅寬度目測懷孕起碼有咗五至七個月左右，唔少網民見到都問係唔係陀住「小小軒」，未知佢係暫時未宣佈，定係近排心廣體胖呢?

精選娛聞，喺晒《娛果》
http://fb.com/appledailyent