日本偶像組合假面女子嘅26歲成員猪狩友香，今年4月於東京文京區路上被強風吹倒嘅巨型告示牌擊中，導致腰部骨折重傷。猪狩友香脊髓重創後導致下肢麻痹，今後需靠坐輪椅生活，但猪狩友香未有放棄星途，仍然會以假面女子成員發展。

猪狩友香已經開始復工，今日佢偕假面女子隊友現身埼玉西武巨蛋，為棒球賽事擔任開球禮嘉賓，猪狩坐在輪椅上全力投球，獲得在場球迷以熱烈掌聲支持。猪狩出生於埼玉縣，佢本身都係是次出賽嘅西武隊球迷，猪狩自言能可以相隔一年重返球場主持開球儀式，感到相當高興。

精選娛聞，喺晒《娛果》
http://fb.com/appledailyent