陳美詩及朱慧敏早前拍旅遊節目期間遇車禍，天華直言有留意：「可能佢哋真係唔熟路，加上天雨路滑，所以先有意外。自己出外景，就算幾眼瞓都好，一定唔會喺車度瞓，前輩教落，咁遇意外都會反應得快啲！希望佢哋快啲康復。」
意外發生後，公司可有勸止做飛車表演？天華說：「監製有擔心，話呢part不如錄影，但我極力反對，因為現場睇氣氛會好好多，好在喺我極力游說下佢都OK，家仲有兩個幾星期先到台慶，所以一唔使拍戲就會嚟練車。」他又指今次飛車表演中有爆破及穿玻璃等場面，故事前會跟公司開會傾談好，並謂公司會替他買保險等。採訪：譚倩宜
攝影：陳志嵐