去年官場花生政事,包括律政司司長鄭若驊11月喺英國倫敦出席講座被示威者包圍,混亂間跌倒傷及左手,唔見一排先發現原來去完北京治療再返港,一番讚「祖國」論引嚟被「挾持」的質疑。鄭若驊當時話自己手臂骨折,手腕有部份脫位,要做開放式骨折復位同固定手術,鑲上鈦金屬片同螺絲,傷勢要3至12個月先會痊癒。甩骹多時嘅鄭若驊,左手原來已經好返,「復工」後變身「工廠女工」,包裝口罩,旨在全民做騷。
鄭若驊喺網誌話,星期日參加咗律政司職員聯誼會舉辦嘅義工活動,將防疫物資如口罩、超市禮券同健康資訊單張逐一包裝好,由非政府機構派發畀長者同低收入家庭。睇佢po嘅相,見到左手已經冇再帶住手臂骨折固定帶,又話喎,有幸參與其中,現時疫情仍然嚴峻,希望大家唔好掉以輕心。
-----------------------------
【未敢忘記】03年沙士重溫
立即按此 -----------------------------
無懼警暴 學懂自救
《抗暴之戰●法例須知》
讀果 上架
-----------------------------