江美儀、陳彥行、陳浚霆同郭思琳等，今日去到大埔為飲食節目《董事廚房》進行開鏡拜神儀式，節目中陳浚霆擔任主持，佢特别邀請曾傳不和嘅美儀姐擔任嘉賓。美儀姐笑指幫陳浚霆起咗個名叫街童，而今次節目中佢唔駛去街市，因為仙女係唔駛做粗重嘢，呢啲工作留畀街童做，問到有冇主持心得傳授畀街童？佢話:「唔駛啦，佢之前跟我哋主持咗兩輯飲食節目，最梗要唔好去肉檔問人煮齋有乜好介紹。」

陳浚霆離開大台後，早前到泰國擔任主持工作，最近更因美儀姐拉攏簽約美儀姐的經理人。至於美儀姐8月接拍大台劇集後便完約，佢話:「我會轉做部頭約，好多謝樂小姐詳細同我解釋，嗰晚成十二點，佢解釋畀我聽簽部頭約分別，我都想到大陸發展，因為我大洗，屋企有兩隻狗，而且呢個都係大趨勢。」

行姐抱住剛收養一年，三歲半大嘅狗仔大炮仔，當初喺網上見到佢主人要上公屋而答應收養，行姐話:「佢嗰樣好似我四年前嘅狗仔小王子，之後我先至發覺係愛的替身，因為佢哋性格完全唔同，呢隻好曳，仲要一返到屋企，就搞我屋企嗰四隻狗女，好彩四隻狗女都已經閹晒。」行姐直認有計劃為狗仔配種，現在正物色配種的狗新袍，至於對新袍要求，佢笑指只要大炮仔鍾意便可。

精選娛聞，喺晒《娛果》
http://fb.com/appledailyent