押後退休,有冇影響佢嘅旅行大計呢?Sunny笑笑口話,旅行幾時都可以去,最緊要公司人手交接順利。
莫非做八達通舵手呢份工太有「挑戰性」,冇人敢接呢個燙手山芋?Sunny不以為然,佢話呢個市場人才好多,相信董事會一定可以搵到合適人選。
正所謂人揀你,你揀人,八達通係一間受到公眾關注嘅公司,要做佢CEO,除咗有才能,仲要有膊頭,夠膽色,確實唔係咁易搵啱人㗎。Sunny上手陳碧華咪就係因為出售客戶私隱圖利一事被轟走囉!
早前聖誕元旦期間,Sunny亦留港睇住公司,得閒喺山頂跑步,三仔爺仲打網球互揪。賽果係23歲大仔贏佢,佢就贏咗仍在求學嘅19歲細仔。以花甲之齡嚟講,Sunny算贏晒㗎嘞!
李華華
mailto:
[email protected]