第56屆台灣金馬獎頒獎典禮，將於本周六（23日）在台北舉行，向來有鬼后之稱的李心潔，憑馬來西亞電影《夕霧花園》第三度入圍金馬獎「最佳女主角」，她能否繼《見鬼》後，再次封后？留待頒獎禮當晚揭盅。然而去年金馬獎，因導演傅榆在台上一番得獎感言，引發台獨風波，令今年金馬獎被大陸打壓，大陸和香港電影人均卻步。不過總有例外，將會如期赴會的李心潔坦言︰「我唔會有太複雜嘅想法，劇組能去金馬獎，我感到好榮幸！」

馬來西亞籍的李心潔，今次是她繼2010年與阿牛拍的《初戀紅豆冰》後，《夕》片是她第二部參演的馬來西亞電影，今次《夕》片在金馬獎共有9項提名，包括「最佳劇情片」、「最佳導演」、「最佳女主角」等，對此李心潔說︰「我唔會有太複雜嘅想法，部戲有9項提名，我感到好驕傲，劇組能去金馬獎，我感到好榮幸。」談到有沒有拿獎的信心？心潔說︰「我覺得入圍已經係一個肯定，因為有百幾部戲，今次我第三次提名，都比較平常心，其他戲我未睇，我覺得佢哋都係好演員，邊個攞我都好開心。」

李心潔在戲中演一名經歷二戰的姐姐，妹妹被日軍迫做慰安婦而死，但她後來卻愛上日籍園藝師阿部寬，故在戲中有不少內心掙扎戲。對於戲中女主角，面對情感的困局，最終走出傷痛，李心潔很理解女主角的感受，她說︰「我覺得真愛可以融化所有嘅恨，呢段愛情背負住戰爭嘅痛苦，用智慧去突破，情感上係好複雜，如果我後生啲遇到呢個角色，我未必做到，所以對我係好大挑戰，做完之後好有成就感。」

最初導演跟李心潔說，這角色跟她很像，及後連心潔的身邊人也有同感，心潔說︰「後來我都發覺，同佢真係幾似，我哋都係好固執嘅女人，為咗愛不顧一切，真係我嘅特性。」然而李心潔於2010年與導演彭順結婚，2014年彭順被拍到背妻偷食，與李悅彤接吻，令李心潔面對婚姻危機，但她最終選擇原諒了老公，並於2016年為對方誕下一對孖仔。

問到李心潔，在現實中她是如何走出傷痛，她說︰「如果我愛一個人，我哋之間不論親情定愛情，之間發生咗啲事，即使彼此傷害，我都唔會放棄，大家可以重新再嚟過，只要係真愛就可以克服。每一段人際關係同感情，相處中一定會有好多問題，最健康嘅關係，就係兩個人點樣互相扶持，過程中就係兩個字「堅持」唔放棄，我自己點樣學識放下，係我人生好大功課。」

談起一對孖仔，李心潔笑得特別燦爛，「佢哋而家3歲，好百厭但又好得意，一個似我，一個似我老公。」問她當媽媽後，其心態會否有改變？她說︰「30之前我好執着，成日自找麻煩，30歲我去咗禪修，靜下來睇到自己內心世界，要自我調節。人生苦短，小朋友最緊要係快樂，點解要畀咁多壓力佢哋，對自己個仔唔好要求咁多。」心潔笑指有次孖仔在花園玩時，一手拿起樹葉同泥土放入口，「我見到呆一呆，我諗食泥土應該冇事。」心潔與一對兒子，以朋友方式相處，「爸爸一開口講嘢就好大聲，所以佢哋會驚，大仔就好似爸爸。」問她會否再生？她瞪大眼說︰「唔好啩！我同我老公已經係個仔學校最老嘅家長喇。」

採訪︰羅婉玲
攝影︰仇志德
攝錄︰葉君海

-----------------------------
2019區選專頁
光復香港 11.24踢走共產黨

-----------------------------
【撐學生】
召集有心人 撐學生全年睇《蘋果》
立即按此