韓劇《繼承者們》28歲男星金宇彬今年5月時公開患鼻咽癌嘅消息，並已完成第一次抗癌治療，雖然暴瘦咗22磅左右，但健康亦已經有好轉，女友申敏兒亦終於放下心頭大石，復工之餘亦有現身公開活動。

現時要全面停工休養身體嘅金宇彬，噚日韓國方面就傳出佢同高修都慘被拖欠代言酬金，當中金宇彬於2013年3月與廣告商簽定合約，當時有間代理公司做代理，點知代理公司卻冇將廣告商已支付嘅6,600萬韓圜(約47.5萬港元)酬金畀金宇彬，同時高修情況亦都一樣，於2012年8月時亦都被同一間代理公司拖久酬勞，當中涉及1億2,500萬韓圜(約90萬港元)。而該代理公司就指自己冇資產為由，故未能支付代言費。

同時因為代理公司冇抵押嘅財產，令到法院判決亦冇法執行，金宇彬方面早於2013年開始已經控告對方，而高修亦於今個月再次起訴該代理公司。

另外，具惠善同樣被拖欠酬金，根據今日韓國傳媒報道，具惠善亦都冇收到2億6千萬韓圜(約187萬港元)嘅劇集酬金，已經被拖欠6年。

更多韓流，喺晒《娛果》
http://fb.com/appledailyent