地產多聲道：
YohoTown新地懷胎十年
蘋果日報 2003/05/12 00:00
新地下半年重點推售嘅住宅元朗YohoTown，首期好快會賣，宣傳攻勢隨着沙田新城市廣場展覽館揭幕而展開。發展商特別派發紅雞蛋、印有物業名稱嘅杯同Tshirt，全部物品都紅卜卜，寓意剛出生嘅BB仔！
新地代理周國賢強調，YohoTown整個項目，將會為元朗締造出一個新社區，建立新生活形態，包括創新意念、擴展國際視野、高科技生活模式，同埋不斷個人增值四大元素，展覽館開幕就好似嬰兒誕生。佢又預期，項目經過約兩個月嘅推廣後，最快喺第三季發售。
投資金額高達一百億元，發展年期長達十年嘅YohoTown，首期提供五幢住宅大廈，合共1404個單位，七成為兩房戶，面積由五百至八百方呎，重有約一百萬呎嘅商場，內有戲院、超市、百貨公司等娛樂消閒設施。
蘭西噚日參觀過展覽館，裏面有物業模型、樓宇資料、屋苑配套設施、附近交通建設、校網等資料，畀參觀人士更加了解YohoTown。
內地經紀做成交易冇佣收
內地非典型肺炎疫情重未受到控制，外商聽到要去內地都怕怕，有啲喺內地工作嘅決策人，都避炎暫時休假。蘭西聽業內人士講，好似一啲疫情嚴重嘅省市，房地產代理業務差唔多完全癱瘓，搞到有啲先前做成嘅交易，都因為搵唔到負責人，收唔到佣住。蘭西心諗，若果做成嘅係單大手成交，代理會唔會擔心到日日瞓唔着呢？
新地代理周國賢強調，YohoTown整個項目，將會為元朗締造出一個新社區，建立新生活形態，包括創新意念、擴展國際視野、高科技生活模式，同埋不斷個人增值四大元素，展覽館開幕就好似嬰兒誕生。佢又預期，項目經過約兩個月嘅推廣後，最快喺第三季發售。
投資金額高達一百億元，發展年期長達十年嘅YohoTown，首期提供五幢住宅大廈，合共1404個單位，七成為兩房戶，面積由五百至八百方呎，重有約一百萬呎嘅商場，內有戲院、超市、百貨公司等娛樂消閒設施。
蘭西噚日參觀過展覽館，裏面有物業模型、樓宇資料、屋苑配套設施、附近交通建設、校網等資料，畀參觀人士更加了解YohoTown。
內地非典型肺炎疫情重未受到控制，外商聽到要去內地都怕怕，有啲喺內地工作嘅決策人，都避炎暫時休假。蘭西聽業內人士講，好似一啲疫情嚴重嘅省市，房地產代理業務差唔多完全癱瘓，搞到有啲先前做成嘅交易，都因為搵唔到負責人，收唔到佣住。蘭西心諗，若果做成嘅係單大手成交，代理會唔會擔心到日日瞓唔着呢？
一場SARS風暴，打殘香港新盤市場，一關之隔嘅深圳，上兩個月新盤銷量都唔好得去邊，尤其一啲鎖定港人為銷售目標嘅樓盤，推售計劃都要延遲。不過，深圳樓市今個月就好番好多，尤其五一黃金檔，雖然少咗幾日假期，但係銷售成績唔比往年差，內地經紀忙個不亦樂乎，唔少展銷會人頭湧湧。有個講法係，大部份深圳有錢人唔敢外遊，留喺屋企又百無聊賴，索性四圍睇盤，睇吓睇吓就買個單位投資吓。
發展商起樓，一定會想辦法，用盡政府准許興建嘅樓面同用途，好似外牆廣告位等。信和建成兩年嘅北角電氣道148號商廈，天台嘅廣告位，有成八米（二十六點四呎）高，同二十六點七米（八十八點一一呎）闊，面向維港、中環同尖沙嘴，喺對岸望過嚟都幾矚目㗎。信和話租期兩年起，長啲都可以傾，價錢面議。𠵱家個市咁差，唔知會唔會平啲租呢。
市民消費力雖然開始恢復過來，但地產商抗炎行動仍然持續，新地嘅尖沙嘴帝苑酒店，近排亦加入抗炎大使強化清潔形象，大堂設有紅光線消毒機，員工番工前要自行測量體溫，如果要去外地旅行，一定要申報等，總之做足工夫，畀多啲信心外國遊客之餘，本地人去酒店餐廳幫襯都安心啲。
另外，恒基馬鞍山新港城喺佛誕，搞咗場舞火龍驅炎魔活動。同時，即日起到六月底，恒基旗下十一個商場，亦會舉辦與商戶合作嘅抗炎大優惠，顧客購物消費滿三百蚊，就有機會獲得抗炎套裝及CD，或電影戲票。
蘭西
電郵地址：
發展商特別派發紅雞蛋、印有物業名稱嘅杯同Tshirt，全部物品都紅卜卜。
帝苑酒店大堂設有紅光線消毒機。