韓國女團KARA嘅具荷拉、朴奎利同韓昇延，噚晚首次於變陣後喺首爾舉行粉絲見面會。

佢哋對於組合嘅轉變，由五個成員變三個，以及即將有新成員加入，都感到不安同無奈。

佢哋三個同粉絲saysorry，講講吓仲忍唔住喊，隊長朴奎利再三強調：「人哋講乜都唔使信，淨係信我哋三個就得。」

KARA喺見面會上笑容牽強，就算推出蛋糕補祝朴奎利生日，佢都好似冇乜胃口，真係心痛死粉絲。