make a wish~上年古天樂(Louis)有個比較特別嘅願望，生日願望係乜？嗰日一班友人同佢開生日P，一講到佢幾時演唱會，篤中咗古仔個死穴，此時古仔爆出一句「我希望阿ViuTV個乞兒呢…」…當時古仔係有啲「貓貓哋」，呢句亦令全場嘩然，古仔即補一句「……係…飛黃騰達嘅」，講完個場面都有啲尷尬(新聞連結： http://bit.ly/2e9MyqK )!

事隔半年呢!古仔竟然上ViuTV錄《鮮浪潮語》，個節目今晚9點半播，講自己由由演員到開設電影公司， 一路走來，點解仍然咁投入，咁支持香港電影，古仔喺片中就話：「我成日都講如果要拍一條短片，喺一個資源有限嘅情況下，係非常之困難嘅一件事，鮮浪潮係咩?我覺得係一班年青人佢哋敢開創自己電影夢想嘅一個平台。」

今次上一上去，咁之前嘅「誤會」，應該冇事㗎呵!?應該係除非唔係……