沙田馬場11場四泥七草賽事，其中第七及十一場，四連環及四重彩合併多寶各有80萬，今次一於拖多幾隻，希望成功鋸大樹。

第七場四班1200米泥地，呢場形勢緊湊，場地亦不明，一於揀兩隻數據超強嘅馬做複膽。「地大大」練馬師羅富全今季同程入前四達65%，加上此駒外地贏過膠沙；再揀埋騎練今季同程合作六次，取得兩冠三亞的「老友記」。

配腳方面，蔡廐今季同程二十戰共錄得十二次入前四，成功率達六成，「神州威龍」要拖。「超然」雖抽到10檔，但本身兩次贏馬分別排11及12檔，而且當中一次勝仗，正是今日有機會出現的濕慢泥，值得提防。

再揀人馬合作七次，取得兩冠一亞一季的「勇冠多」，及不明物體「銀紙」，以兩膽四腳方式出擊。

第十一場三班1600米，「首飾大帝」今季雖然未贏過，但合共七戰取得一季五殿，呢類經常接近的馬，再加上有同程75%入前四的潘頓，買四重彩要做重心。再揀埋在港八戰，七度跑獲三甲的「蟲草之星」同樣作為複膽。

揀腳，告東尼今季田草1600米入前四達五成，增程馬「美麗精神」要拖。「數糊勇士」今次抽到同程入前四最高、達47%的三檔，亦要納入範圍。

其餘揀埋人馬合作連捷的「開懷大少」，及上仗入圍的「鑲白旗」、「非凡才子」，以兩膽五腳方式鋸大樹。

-----------------------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef