黎瑞恩（小恩子）為備戰下月嘅紅館兩場演唱會，晚上喺九龍灣進行綵排，佢笑晒表示：「好開心，終於去到籌備最尾嘅部份，party就嚟開始，自己嘅心情冇緊張，因為好興奮，好想快啲見到大家，呢排日日養聲飲開聲茶，唔知係咪心理作用，覺得有用嘅。」

問到有冇戰衣？小恩子得戚表示：「第一次試衫到第二次試衫，已經改窄咗4吋，可能開騷前幾日再收窄都唔奇，設計師話改窄唔怕，最驚要放番大，之前啲衫係露背為主，設計師話我對腳靚，唔好嘥咗佢，將其中一條裙改短，人一世、物一世要騷出嚟，短到感覺好似港姐着泳衣咁，自己都未試過呀。」

不過，小恩子話唔想自己太瘦：「我驚會縐呀，因為o依家新層代謝冇咁快。」而喺澳洲讀書嘅囡囡將於星期五返港支持，小恩子自爆：「囡囡話會幫我執舞步，佢彈我舞步好生硬。」而今次個唱為腎臟基金會籌款買洗腎機，小恩子話喺朋友合力之下，已經幫手籌到20部。

精選娛聞，喺晒《娛果》
http://fb.com/appledailyent