當年今日
關於我們

夜晚不得了?
巨乳大島優子被爆性慾強

蘋果日報 2015/02/02 05:20

AKB48大島優子錢的戰爭鈴木奈奈性慾最佳女配角橫濱電影節

日本女團AKB48舊將大島優子離隊後單飛發展,昨日佢就出席橫濱電影節嘅頒獎禮,接受大會頒發嘅最佳女配角殊榮。
大島優子喺夥拍宮澤里惠嘅電影《紙月》有出色表現,連奪最佳女配角後,又忙緊趕拍新劇《錢的戰爭》,女優事業向好,不過大家始終對佢嘅肉體較有興趣。好似前晚播出嘅清談節目,大島優子以主持身分訪問已婚女星鈴木奈奈,口不擇言嘅鈴木奈奈自爆性生活唔多協調,話兩人雖然晚晚同床,但個衰佬連行貨都懶得交,對住大島優子大呻女人都有嗰方面嘅需要,大島優子隨即尷尬回應話:「都係嘅。」點知鈴木奈奈即咬住唔放,仲話:「大島優子咁巨乳,應該性慾幾強,夜晚真係不得了!」搞到大島優子幾乎無地置容,既掩面又傻笑,仲起身追打鈴木奈奈,場面惹笑。