書展剛完,緊接到「2018第二十屆香港動漫電玩節」在灣仔會展登場,財政司司長陳茂波昨日撐場做主禮嘉賓,丁子高也帶了囝囝Torres一同出席。
動漫大使Godlike Girls林泳淘和何依婷齊齊亮相,穿上露腰cosplay,林泳淘自爆一向喜歡玩cosplay,她透露有自備cosplay服裝,有意變身自娛:「之前未試過㗎,今次係第一次。」何依婷表示平日甚少看漫畫,原因竟是她不會看漫畫書的次序:「鍾意睇動畫同打機多啲,動畫我最鍾意睇以前嘅《百變小櫻》,如果要揀出街定打機,我寧願打機!」問到如果cosplay想扮哪個人物?何依婷衝口而出:「我想試吓扮天線得得B入面嘅太陽角色。」