星展香港「賓架」張耀堂離職後曝光率大減，早前佢有高就，就係出任Visa香港及澳門地區總經理。張耀堂除咗喺推Visa信用卡嘅時候會露面之外，曝光機會甚少。難得嘅係噚日Visa推新卡，係同星展香港合作，最有睇頭之處，莫過於新舊兩代零售業務揸弗人同堂。
張耀堂自從舊年辭任星展香港董事總經理兼大中華區個人銀行業務總監後，放咗7個月悠長假期先返Visa新工，之前都喺大新銀行（2356）嘅發卡儀式上短暫亮相，今次打正旗號，以Visa香港及澳門地區總經理身份，同現任星展香港零售銀行業務總監王潔鳳同場交手。
講番呢張3EverydayCOMPASSVISA信用卡，設有VisapayWave功能，即係凡500蚊以下交易一嘟就掂，和黃（013）旗下百佳、屈臣氏、3Shop等都用得。