【李八方online】曲直難分？林鄭晒聖誕卡被指「無人做你都有做」 幾分鐘後刪post
蘋果日報 2019/12/28 14:02
聖誕卡林鄭李八方ONLINE
【新增動新聞】
聖誕假期啱啱結束，唔知大家收到咩禮物呢？特首林鄭月娥就可能收到今年最後一份大禮，就係市民寫畀佢嘅聖誕卡，呢張聖誕卡更令到被唔少市民認定係麻木不仁嘅林鄭「有感而發」，出post回應。容許八方同大家一齊研究吓呢張聖誕卡。
聖誕假期啱啱結束，唔知大家收到咩禮物呢？特首林鄭月娥就可能收到今年最後一份大禮，就係市民寫畀佢嘅聖誕卡，呢張聖誕卡更令到被唔少市民認定係麻木不仁嘅林鄭「有感而發」，出post回應。容許八方同大家一齊研究吓呢張聖誕卡。
呢張獲林鄭千挑萬選拎出嚟讀嘅聖誕卡，係署名羅女士嘅市民喺今個月19號，即係警方高調話星火同盟洗黑錢嗰日寫嘅。內容大致係住喺大窩口、屬於職津及SEN（特殊教育需要）家庭嘅羅女士，對今年發生嘅事「感慨萬千」，佢覺得林鄭上任而嚟對基層市民「不離不棄」，而且「之前一直沒有人做的，你都有做」，所以非常欣賞林鄭的才華，香港政府更加係良心政府，於是要向林鄭講聲：「您辛苦了」，總之佢絕對支持林鄭，希望林鄭克服重重困難、加油、保持身體健康。
首先呢張卡唔少字其實係用簡體字寫嘅，而且羅女士提到佢係職津兼SEN家庭，而職津、SEN正正係今年施政報告觸及嘅嘢，難怪羅女士會覺得林鄭對基層不離不棄。
不過羅女士另一句話「之前一直沒有人做的，你都有做」，八方諗嚟諗去，除咗修訂《逃犯條例》、引發「反送中」運動外，無乜嘢係一直無人做、得林鄭做，再者羅女士對今年嘅香港係可圈可點嘅「感慨萬千」，加上奇怪嘅係，林鄭最初出嘅post其實係近乎原文刊登羅女士張聖誕卡，點知唔使幾分鐘就刪咗個post，出過另一個post係林鄭自己話收到唔少市民嘅聖誕或賀年卡，佢會盡量親自睇，對市民嘅批評佢會認真反思、對市民嘅求助會積極跟進、對市民嘅鼓勵會心存感激，並轉化為佢嘅工作原動力。
其實八方覺得羅女士張卡有少少曲直難分，所以林鄭先至出完post又刪post，若然屬實就真係辛苦晒，揀咁耐先揀到一張拎出嚟讀，不如叫人專登寫一張畀自己算啦。
-----------------------------
民陣元旦大遊行
